America : पाकची अणुचाचणी…ट्रम्पची धमकी कुणाला !

 

अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा पाकिस्तानचे नाव घेऊन सनसनाटी बातमी देण्याचा प्रयत्न केला आहे. पाकिस्तानची वकिली करण्याच्या नादात ट्रम्प यांनी जगाला धमकीही दिली आहे. एका चॅनलला दिलेल्या मुलाखतीमध्ये ट्रम्प यांनी अणुचाचण्या करण्याची गरज का आहे, हे सांगतांना पाकिस्तानचे नाव घेतले. रशिया, चीन आणि उत्तर कोरियासह पाकिस्तान सारखा देशही अणुचाचण्या घेत आहे. अशात अमेरिकेने या चाचण्या का करु नयेत, असा प्रश्न विचारत त्यांनी अमेरिकेकडे १५० वेळा जग नष्ट करण्यासाठी पुरेशी अण्वस्त्रे आहेत, आणि आता आम्ही नव्यानं अण्वस्त्र चाचणी कऱण्यासाठीही सज्ज आहोत अशी धमकी दिली आहे. जवळपास ३३ वर्षांनंतर अमेरिकेत पुन्हा अणुचाचण्या सुरू करण्यात येणार आहेत. या ट्रम्प यांच्या घोषणेनं खळबळ उडाली होती. याबाबत आपली भूमिका स्पष्ट करतांना ट्रम्प यांनी अधिक खळबळजनक दावे केले आहेत. (America) International News

मुळात हे दावे करतांना त्यांनी पुन्हा पाकिस्तानची वकिली केली आहे. पाकिस्तानमध्ये गेल्या महिन्याभरात सतत भूकंपाचे धक्के बसले, हे कदाचित अणुचाचणीचे लक्षण आहे, असेही ट्रम्प यांनी सूचित केले. पाकिस्तानचे सरकार सध्या ट्रम्प यांच्या सल्यानुसार चालत आहे. ट्रम्पही त्याचा पुरेपूर फायदा घेत आहेत. भारतासोबत चालू असलेल्या चर्चेत पाकिस्तान अणुचाचणी करत आहे, ही धमकी देत ट्रम्प यांनी भारतावर अप्रत्यक्षपणे दबाव आणण्याचा प्रयत्न केला आहे का, असा प्रश्न विचारला जात आहे. त्यातच अमेरिकेमध्ये सध्या शटडाऊनमुळे लाखो सरकारी कर्मचारी पगारावाचून काम कऱण्यास मजबूर झाले आहेत. मोफत धान्य योजना बंद आहे, यामुळे जनतेमध्ये प्रचंड रोष वाढत आहे. या सर्वांवरुन लक्ष दूर कऱण्यासाठी ट्रम्प अशी विधाने करत असल्याचीही चर्चा आहे. एकुण जगाची काळजी करणा-या अमेरिकेतच ट्रम्प यांच्यामुळे असंतोष वाढत असून त्याचा कधीही स्फोट होण्याची शक्यता आहे. (International News) 

शटडाऊनमुळे अमेरिकेत वाढत असलेल्या असंतोषाला अधिक वाढवण्याचे काम ट्रम्प यांच्या दोन निर्णयांनी केले आहे. त्यांनी व्हाईट हाऊसचे नुतनीकरण सुरु केले असून त्यासाठी अब्जो रुपयांचे बजेट मंजूर केले आहे. त्यातच अमेरिकेमध्ये ३३ वर्षानंतर पुन्हा अणुचाचण्या करणार असल्याचे जाहीर केले आहे. त्यांच्या या घोषणेमुळे खळबळ उडाली. यासंदर्भात डोनाल्ड ट्रम्प यांची भूमिका जाणून घेण्यासाठी त्यांची एक जाहीर मुलाखत घेण्यात आली. या मुलाखतीमध्ये ट्रम्प यांनी जगभरातील अनेक देश अण्वस्त्र चाचणी करत असतांना अमेरिकेनं का मागे रहावं, हा प्रश्न उपस्थित केला. हे सांगतांना त्यांनी भारताचा शेजारी, पाकिस्तानचे नाव घेत, पाकिस्तानमध्येही अण्वस्त्र चाचणी होत असल्याचा दावा केला. त्यांच्या या दाव्यामुळे खळबळ उडाली आहे. (America) 

कारण गेल्या महिन्यात पाकिस्तानमध्ये भूकंपाची एक मालिकाच झाली. हे भूकंप नैसर्गिक नव्हते, तर त्यामागे पाकिस्तान करत असलेल्या अण्वस्त्र चाचण्या कारणीभूत असल्याचे ट्रम्प यांनी सूचित केले आहे. पाकिस्तानबाबत हा दावा करतांना ट्रम्प यांनी रशिया, चीन, उत्तर कोरिया या देशांचीही नावे घेतली. या देशात उघडपणे अणुचाचण्या होत नाहीत. हे देश भूमिगत चाचण्या करतात, त्याची फार कमी प्रमाणात कंपने जाणवतात. पण अमेरिकेचे तसे नाही. अमेरिका जाहीरपणे अणुचाचणी करणार असल्याची ग्वाहीही त्यांनी दिली. ट्रम्प यांनी या मुलाखतीमध्ये ३३ वर्षांच्या अणुचाचणी स्थगितीच्या समाप्तीचा बचाव केला. यासंदर्भात तज्ज्ञांचे म्हणणे आहे की, ट्रम्प यांच्या या निर्णयामुळे जागतिक अण्वस्त्र संतुलनावर गंभीर परिणाम होऊन नवीन शस्त्रास्त्र स्पर्धा सुरू होणार आहे. विशेष म्हणजे ट्रम्प यांनी भारत वगळता जवळजवळ सर्व अण्वस्त्रधारी देशांची नाव घेतली. त्यांनी पाकिस्तानचे नाव घेतल्यामुळे ट्रम्प पुन्हा भारतावर दबाव निर्माण करु पहात आहेत का, हा प्रश्न विचारला जात आहे. (International News) 

आणखी शोधा

आरोग्य

================

हे देखील वाचा : Sudan : म्हणून होतेय, दुबईवर बहिष्कार घालण्याची मागणी !

आणखी शोधा

================

भारतासोबतच्या युद्धानंतर पाकिस्तानमध्ये अण्वस्त्र कार्यक्रम १९७१ साली सुरु झाला. तत्कालीन पाकिस्तानी पंतप्रधान झुल्फिकार अली भुट्टो यांच्या नेतृत्वाखाली त्याचा पाया रचला गेला. १९८० आणि १९९० च्या दशकात पाकिस्तानमध्ये गुप्त अणुचाचण्या करण्यात आल्या. मात्र या सर्वात भारतावर अमेरिकेचा प्रचंड दबाव होता. भारतानं अणुचाचण्या करु नयेत, यासाठी अमेरिकेच्या सीआय़ए या गुप्तचर संघटनेनं मोठा दबाव आणला होता. या सर्वांवर मात करत अटलबिहारी वाजपेयी सरकारनं पोखरणमध्ये अणुचाचणी केली. भारताच्या या पोखरण-२ चाचण्यांनंतर काही दिवसांनी २८ मे १९९८ रोजी पाकिस्तानने बलुचिस्तानमधील चगाई येथे पहिली सार्वजनिक अण्वस्त्र चाचणी केली. मात्र पाकिस्तानने अमेरिकेच्या मदतीनं याआधीही अनेक गुप्त सब-क्रिटिकल चाचण्या केल्याची माहिती आहे. (America) Latest International News

आणखी शोधा

आरोग्य

सई बने

Latest Marathi News | News in Marathi | Live news Updates in Marathi on Trending Topics

Original content is posted on https://gajawaja.in/nuclear-bomb-testing-in-ameirca/






Comments

Post a Comment

Popular posts from this blog

Rajasthan : राजस्थानी बोरं सफरचंदापेक्षा महाग !

Image
  राजस्थान   म्हटलं की समोर येतात, ते तेथील  भव्य किल्ले.   जयपूर  येथील  जलमहल ,  जोधपूर  येथील  मेहरानगढ ,  उदयपूरचा  भव्य  कुंभलगड  आणि  पुष्कर मधील जगातील  एकमेव ब्रह्माजी मंदिर.  याच राजस्थानच्या  दालबाटीच्या  चवीची भूल अवघ्या जगाला आहे. येथील  मिर्चीबडा ही सर्वत्र चवीनं खाल्ला जातो. पण याच राजस्थानची आणखी एक ओळख आता होऊ लागली आहे. या राजस्थानमधील  अ‍ॅपल बोरांनी  अवघ्या देशातील बाजारपेठ काबीज केल्याचे दृश्य आहे. राजस्थानच्या वाळवंटी भागात या अ‍ॅपल बोरांची शेती मोठ्याप्रमाणत होत आहे. सोबतच येथे  लहान बोरांचे उत्पादनही मोठ्या प्रमाणात होत  आहे.  (Rajasthan) Top Stories या बोरांच्या वाढत्या उत्पादनानं राजस्थानमध्ये बोरांपासून  लोणचे, जॅम, सरबत  तयार कऱण्यात येत आहे. अशा छोट्या फॅक्टरी या भागात सुरु झाल्या असून  राजस्थानमधील महिलांनी या उद्योगात पुढाकार घेतला  आहे. राजस्थानमधील बोरं आंतरराष्ट्रीय बाजारात मोठ्या किंमतीला विकली जात आहेत. विशेष म्हणजे...
Read more

Holi : जाणून घ्या होळीमध्ये नारळ का अर्पण करण्यामागचे कारण

Image
  आज फाल्गुन पौर्णिमा अर्थात होळी. वाईटाचा चांगल्यावर विजय साजरा करण्याचा आजचा दिवस.  हिरण्यकश्यपूची बहीण असलेल्या दृष्ट होलिकाचा नाश आणि भक्ती, नम्रता, दयाळू वृत्तीच्या प्रल्हादाचा विजय. होळी म्हटले की, अनेकांना फक्त रंग, गुलाल, पाणी एवढेच आठवते. मात्र होळी यापलीकडे जाऊन देखील मोठा सण आहे. होळी साजरी करण्यामागे अनेक धार्मिक, वैज्ञानिक कारणं आहेत. यासोबतच होळी कशी साजरी करायची? त्यात काय काय वाहायचे?, कोणत्या वस्तू असाव्या? आदी अनेक गोष्टींबद्दल देखील काही नियम आहेत. (Holi) Top Stories . अनेकांसाठी तर होलिका दहन म्हणजे होळीमध्ये टाकलेले नारळ काढून खाण्याची चंगळच जणू. कारण हे भाजलेले नारळ खायला खूपच स्वादिष्ट आणि अधिकच गोड लागते. मात्र होळीमध्ये फक्त नारळच टाकतात असे नाही ना. होळी तयार करताना त्यात गोवऱ्या, एरंडेलच्या झाडाची फांदी, तूप, साखरेची माळ, फुलांची माळ आदी अनेक गोष्टी ठेवल्या जातात. (Holi Festival Information) मात्र यासोबतच नारळ देखील होळी पूजेचा मोठा आणि महत्वाचा भाग आहे.  आता काही जणं नारळ हा होळी पेटवायचा आधीच ठेवतात. तर काही होळी पेटवल्यानंतर त्यात नारळ टाकतात...
Read more

Vasant Panchami देवी सरस्वतीचा जन्मदिन – वसंतपंचमी

Image
  आपल्या हिंदू धर्मामध्ये सर्वच लहान मोठ्या गोष्टींना अनन्यसाधारण महत्व देण्यात आले आहे. निसर्गाचे, निसर्गामध्ये होणाऱ्या बदलांचे आणि येणाऱ्या नवीन ऋतूचे स्वागत करण्यासाठी देखील अनेक सणाची आखणी केली गेली आहे. वसंत पंचमी हा असाच एक अतिशय अर्थपूर्ण आणि महत्वपूर्ण सण आहे.  वसंत पंचमी चा  (Vasant Panchami)  सण हा वसंत ऋतूचे स्वागत करण्यासाठी साजरा केला जातो. यासोबतच याला अजूनही मोठे महत्व आहे. (Vasant Panchami) हिंदू पंचांगानुसार माघ महिन्यातील शुक्ल पक्षातील पंचमी तिथीला वसंत पंचमी साजरी केली जाते. या दिवशी विद्येची देवी सरस्वतीची पूजा करण्यात येते. या पंचमीला श्रीपंचमी किंवा ज्ञानपंचमी असेही म्हणतात. वसंत ऋतूला ऋतूंचा राजा असे मानले जाते. त्याचे स्वागत करण्याचा हा विशेष दिवस मानला जातो. मकर संक्रांतीनंतरसूर्याचे उत्तरायण सुरू होतानाच्या काळात येणारा हा सण आहे. वसंत पंचमीचा सण हा देवी सरस्वतीला समर्पित आहे. यंदा वसंत पंचमीचा सण आज २ फेब्रुवारीला साजरा होत आहे.  आजच्या दिवशी देवी सरस्वतीची पूजा केली जाते. पंचांगानुसार माघ महिन्याच्या शुक्ल पक्षातील पंचमी तिथी २ फेब्...
Read more